Fjórir af hverjum tíu erlendum ríkisborgurum sem sest hafa að á Íslandi það sem af er árinu 2017 hafa gert það í Reykjavík. Þetta kemur fram í frétt á vef Kjarnans. Þar segir að erlendum ríkisborgurum sem búa í höfuðborginni hafi fjölgað um 5.580 á tæpum fimm árum.
Þar vekur einnig athygli að erlendir ríkisborgarar eru hlutfallslega miklu fleiri í Reykjavík en Garðabæ. Í frétt Kjarnans segir að það sveitarfélag höfuðborgarsvæðisins sem sker sig mest úr í þessum tölum er Garðabær.
Þar búa einungis 640 erlendir ríkisborgarar og þeir eru einungis fjögur prósent íbúa sveitarfélagsins. Það þýðir að það eru 23,4 erlendir ríkisborgarar í Reykjavík fyrir hvern erlendan ríkisborgara í Garðabæ. Það búa tvö þúsund færri í Garðabæ en Reykjanesbæ alls. Samt búa 2.870 fleiri erlendir ríkisborgarar í Reykjanesbæ, sem er í um 40 mínútna akstursfjarlægð frá Garðabæ, en þar.
Nánar má lesa um málið á vef Kjarnans.
