Stjórnir þriggja stærstu lífeyrissjóða landsins, Lífeyrissjóðs starfsmanna ríkisins (LSR), Lífeyrissjóðs verslunarmanna (LV) og Gildis, hafa tekið ákvörðun um að sjóðirnir muni sjálfir hefja viðræður við slitastjórn Kaupþings um möguleg kaup þeirra á Arion banka. Mbl.is greinir frá.
Þá hafa sjóðirnir jafnframt tilkynnt fjármálafyrirtækjunum Arctica Finance og Virðingu að þeir ætli sér ekki að gera tilboð í bankann undir forystu fyrirtækjanna. Eftir að stjórnirnar þrjár tóku þessa ákvörðun var forsvarsmönnum annarra lífeyrissjóða greint frá fyrirætlunum um viðræðurnar. Samkvæmt mbl.is gerðist það í gær.
25 lífeyrissjóðir eru í landinu og munu þeir allir fá kost á því að koma að mögulegri tilboðsgerð í Arion banka, en nánar er fjallað um málið í fréttaskýringu í Morgunblaðinu í dag.