Ásgeir Jónsson seðlabankastjóri segist ekki hafa veri að vísa í tveggja manna tal milli sín og Aðalsteins Leifssonar, fyrrverandi ríkissáttasemjara, er hann greindi frá því að reynt var að hafa áhrif á vaxtahækkanir bankans.
Þetta segir Ásgeir í samtali við mbl.is.Hann tekur þar fram að hann hafi verið að vísa í samtöl milli embættanna tveggja.
„Ég fjallaði í viðtalinu almennt um samskipti þessara tveggja embætta, Seðlabankans og ríkissáttasemjara, en ekki í tveggja manna tal eins og haldið hefur verið fram,“ segir Ásgeir við mbl.is.
„Ég var ekki að vísa í trúnaðarsamtal tveggja manna, heldur samskipti á milli þessara embætta sem fyrr segir. Það hefur áður komið fram í fjölmiðlum, og fyrrverandi ríkissáttasemjari hefur upplýst um það sjálfur opinberlega, að samskipti hafi átt sér stað á milli þessara tveggja embætta. Sú upplýsingagjöf var algerlega í óþökk minni enda var Seðlabankinn gerður að blóraböggli fyrir því að slitnað hefði upp úr viðræðum á þessum tíma,“ bætir Ásgeir við.
Hægt er að lesa viðtalið hér.