*

þriðjudagur, 21. maí 2019
Innlent 12. mars 2019 09:34

Facebook þjónustar Ísland

Stafræna markaðsstofan The Engine vinnur með Facebook sem skilgreinir Ísland sem sérstakt markaðssvæði til prufu.

Ritstjórn
Guðmundur Pálsson er framkvæmdastjóri Pipar\TBWA.
Eva Björk Ægisdóttir

Facebook hefur ákveðið að horfa til Íslands sem markaðssvæðis og opna fyrir þjónustu sína hér á landi sérstaklega. Eitt þeirra fyrirtækja sem Facebook vinnur með hér á landi er stafræna markaðsstofan The Engine, sem er í eigu Pipar\TBWA, að því er segir í fréttatilkynningu frá félaginu.

„Síðastliðin ár hefur Google litið á Ísland sem markaðssvæði og hefur aðstoðað fyrirtæki við ýmislegt tengt Google Ads herferðum fyrir sína viðskiptavini,” segir Guðmundur Pálsson, framkvæmdastjóri auglýsingastofunnar Pipar\TBWA.

„Facebook hefur hins vegar ekki litið á Ísland sem markaðssvæði eins og þeir gera með flest önnur lönd í heiminum. Nú verður hins vegar breyting á og þau tímamót að eiga sér stað að Facebook ætlar að líta á Ísland sem markaðssvæði og nota árið 2019 sem prufuár.“

Guðmundur er sagður í nánu sambandi við Axel Strelow hjá Facebook sem mun stýra verkefninu og bera ábyrgð á því. Strelow hefur verið svæðisstjóri fyrir norræna markaðinn hjá Facebook og aðstoðar stafrænar auglýsingastofur við að byggja upp og hámarksárangri í gegnum Facebook.

„Strelow starfar með stærstu aðilunum í greininni og hjálpar fyrirtækjum að móta og framkvæma árangursríkar auglýsingaherferðir á Facebook Business Manager,” segir Guðmundur.

„Hann er með aðsetur í höfuðstöðvum Facebook í Dublin og er nú að byrja að starfa með íslenska markaðnum. Stafræni auglýsingamarkaðurinn á Íslandi hefur farið hratt vaxandi að undanförnu og Strelow segist hlakka til að leggja auglýsendum á Íslandi lið við að ná árangri í auglýsingaherferðum á Facebook Business Manager.“

Axel Strelow verður einn af aðal fyrirlesurunum á markaðsráðstefnunni Reykjavik Internet Marketing Conference (RIMC) sem haldin verður 5. apríl nk. Guðmundur segir að það verði fróðlegt að sjá hvað hann hefur fram að færa á ráðstefnunni sem markaðsfólk ætti ekki að láta fram hjá sér fara og jafnvel muni koma fram áhugaverð tölfræði fram um íslenska markaðinn.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim