Samkvæmt tölum Hagstofunnar voru gistinætur á hótelum í mars 295.300, sem er 34% aukning á milli ára.
Rannsóknin sýnir að gistinætur erlendra gesta voru 89% af heildarfjölda gistinátta í mánuðinum en þeim fjölgaði um 37% frá sama tíma í fyrra. Á sama tíma fjölgaði gistinóttum Íslendinga um 18%.
Flestar gistinætur á hótelum í mars voru á höfuðborgarsvæðinu eða 205.500 sem er 30% aukning frá sama mánuði í fyrra. Um 70% allra gistinátta voru á höfuðborgarsvæðinu. Næstflestar voru gistinætur á Suðurlandi eða um 43.200. Erlendir gestir með flestar gistinætur í mars voru Bretar með 86.000, Bandaríkjamenn með 63.900 og Þjóðverjar með 20.300.
Á tólf mánaða tímabili frá apríl 2015 til mars 2016 voru gistinætur á hótelum 3.043.700 sem er 26% aukning miðað við sama tímabil árið áður.
Nýting á herbegjum á hótelum í mars 2016 var að meðalali 69,2%. Nýting herbergja var hinsvegar best á höfuðborgarsvæðinu í mars eða um 88,6%.
