Lífeyrissjóður verzlunarmanna (LIVE), næststærsti lífeyrissjóður landsins, uppfærði í lok síðasta árs hluthafastefnu sjóðsins en hún hafði verið nær óbreytt frá árinu 2018. Í nýrri hluthafastefnu er að finna uppfærðar áherslur varðandi ákveðna þætti um hlutafélög með áherslu á skráð félög. Meðal áhersluatriða má nefna atriði varðandi starfskjarastefnu, kosningu stjórnarformanna, skipan tilnefningarnefnda og stefnur um sjálfbærni.