Þingflokkar Bjartrar framtíðar og Viðreisnar héldu í dag sameiginlegan þingflokksfund og ganga sameinaðir til viðræðna við Sjálfstæðisflokkinn um fyrirhugaða stjórnarmyndum. Þetta kemur fram í frétt RÚV .
Formenn Viðreisnar og Bjartrar framtíðar, Benedikt Jóhannesson og Óttarr Proppé, hafa áður fundað með Bjarna Benediktssyni, formanni Sjálfstæðisflokksins. Haft er eftir Benedikt Jóhannessyni að hann hafi rætt við Bjarna Benediktsson og að hann ætti von á því að ræða aftur við Bjarna í dag.
Því er ekki ólíklegt að formennirnir þrír taki stöðuna í dag og að formaður Sjálfstæðisflokksins segi til um gang mála í kvöld eða á morgun.
