*

mánudagur, 12. nóvember 2018
Innlent 26. janúar 2018 13:23

Costco hæst og Costco lægst

Niðurstöður Íslensku ánægjuvogarinnar voru kynntar en og veitt voru verðlaun á fimm mörkuðum.

Ritstjórn
Haraldur Guðjónsson

Niðurstöður Íslensku ánægjuvogarinnar 2017 kynntar í morgun og er þetta nítjánda árið sem ánægja íslenskra fyrirtækja er mæld með þessum hætti.

Í ár var afhent viðurkenning á fimm mörkuðum. Á eldsneytismarkaði fékk bensínstöð Costco 86,5 stig af 100 mögulegum, Nova fékk 76,4 á farsímamarkaði, Vínbúðir ÁTVR fengu 74,1 stig á smásölumarkaði, BYKO fékk 68,9 á byggingavörumarkaði og Íslandsbanki fékk 66,5 stig á bankamarkaði.

Costco eldsneyti var einnig með marktækt hæstu einkunn allra fyrirtækja sem mæld voru í Ánægjuvoginni þetta árið og eru viðskiptavinir eldsneytissölu Costco þar af leiðandi þeir ánægðustu á Íslandi. Hins vegar ber að taka fram að Costco er ekki með ánægðustu viðskiptavinina á smásölumarkaði en þar var Costco með lægstu einkunnina eða 59,1 stig.

Íslenska ánægjuvogin er í eigu Stjórnvísi og Samtaka iðnaðarins og sá Zenter rannsóknir um framkvæmd á Íslensku ánægjuvoginni.