*

laugardagur, 20. október 2018
Innlent 28. nóvember 2011 12:39

Helmingur jöklabréfahengjunnar kominn inn í bankana

Erlendir aðilar sem festust inni með fjárfestingu sína við setningu gjaldeyrishafta eiga 200 milljarða í bönkunum.

Ritstjórn
Haraldur Guðjónsson

Fjárfestar sem festust inni í landinu með aflandskrónur sínar þegar gjaldeyrishöft voru sett á hafa flutt helming eignar sinnar inn í íslenska banka. Þetta gerir um 200 milljarða króna.

Þetta kom fram í máli þeirra Más Guðmundssonar seðlabankastjóra og Arnórs Sighvatssonar aðstoðarseðlabankastjóra á fundi með efnahags- og viðskiptanefnd Alþingis í morgun. Þeir gátu ekki svarað því hversu stórt hlutfall erlendir aðilar eiga af innstæðum í bankakerfinu.

Fram kom á fundinum að fjárfestar eiga enn um 400 milljarða króna fasta hér. Upphaflega var fjárfestingin bundin í skuldabréfum í íslenskum krónum. Helmingur fjárhæðarinnar hefur nú verið leystur út og hafa fjárfestarnir fært féð inn í bankakerfið.