*

föstudagur, 19. apríl 2019
Erlent 12. febrúar 2019 15:06

25 milljón spilarar viku eftir útgáfu

Tölvuleikurinn Apex Legends hefur náð 25 milljón skráðum spilurum aðeins viku eftir útgáfu.

Ritstjórn
Andrew Wilson, framkvæmdastjóri Electronic Arts, útgefanda leiksins. Hlutabréf félagsins hækkuðu um 8% í dag eftir að tilkynnt var um velgengni leiksins.
epa

Hlutabréf í tölvuleikjaframleiðandanum Electronic Arts hækkuðu um 8% í dag eftir að tilkynnt var að nýjasti leikur hans, Apex Legends, hefði náð 25 milljón spilurum aðeins viku eftir útgáfu hans.

Leikurinn er svokallaður „battle royale“ leikur, þar sem tiltekinn fjöldi spilara hefur leik, og síðan er barist til síðasta manns, sem stendur uppi sem sigurvegari, en meðal annarra leikja af sömu gerð – sem hafa sprottið upp eins og gorkúlur síðustu misseri – er hinn geysivinsæli Fortnite.

Aðeins þremur dögum eftir útgáfu hafði leikurinn náð 10 milljón skráðum spilurum – en sami vöxtur tók Fortnite tvær vikur – og um helgina eru „vel yfir“ tvær milljónir spilara sagðar hafa spilað hann samtímis.

Þar sem leikurinn er svokallaður fríspilunarleikur (e. free-to-play) er erfitt að bera vinsældirnar saman við sölutölur leikja sem spilarar þurfa að kaupa til að geta spilað, en Fortnite er einnig fríspilunarleikur svo samanburðurinn við hann á vel við.

Greiningaraðili sem frétt Reuters um málið vísar til hækkaði vænt gengi félagsins (e. target price) um 32%, úr 91 Bandaríkjadölum í 120.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim