Rekstur Boeing versnaði töluvert á fyrstu mánuðum ársins en sjóðstreymi bandaríska flugfélagframleiðandans var neikvætt um 4 milljarða Bandaríkjadala eða sem nemur 561 milljarði íslenskra króna á gengi dagsins.
Boeing tapaði 355 milljónum dala á fyrsta fjórðungi sem nemur um 50 milljörðum íslenskra króna.
Tekjur flugfélagaframleiðandans drógust saman um 8% á tímabilinu sem The Wall Street Journal segir að sé þó minni tekjusamdráttur en greiningaraðilar höfðu spáð fyrir um.
„Við erum að eiga erfiða stund,“ sagði fráfarandi forstjóri Boeing, Dave Calhoun, í skilaboðum til starfsmanna.
Pantanabók flugfélagaframleiðandans hefur tekið högg eftir að gat rifnaði á skrokki vélar Alaska Airlines í miðju flugi.
Boeing býst við því að framleiða færri 737 MAX vélar á næstu árum en atvikið opnaði á mikla umræðu um gæðastjórnun félagsins.
Hlutabréfaverð Boeing hefur lækkað um 33% á árinu.
