*

fimmtudagur, 25. apríl 2019
Innlent 16. janúar 2019 13:31

30% fá meira frá ríki en greiða

Helmingur framteljenda greiðir nettó um 1% af tekjuskatti til ríkisins, en fimmtungur greiðir 72% af honum.

Ritstjórn
Ásdís Kristjánsdóttir hélt erindi á skattadegi Deloitte sem vakti athygli.
Haraldur Guðjónsson

Ásdís Kristjánsdóttir forstöðumaður efnahagssviðs Samtaka atvinnulífsins segir rétt sem bent hefur verið á að skattbyrði lægstu launa hafi aukist á undanförnum árum, samhliða áherslum á hækkun lægstu launa.

En í erindi hennar á skattadegi Deloitte sem haldinn var í gær benti hún á að ekki megi þar undanskilja að útborguð lágmarkslaun eftir skatta og bótagreiðslur hafi aukist um 17% umfram skattbyrðina frá árinu 2008.

Hún segir það því gefa villandi mynd að horfa einungis til þróunar á skattbyrðinni, ef svara eigi þeirri spurningu hvort heimilin séu betur sett í dag en áður.

Yfir 80% tekna hyrfu ef farið að ítrustu kröfum

Jafnframt bendir hún á að tillögur í kröfugerð sumra verkalýðsfélaganna um algert skattleysi lágmarkslauna muni draga tekjur ríkissjóðs saman um 149 milljarða, eða sem nemur 83% af heildratekjum hans af tekjuskatti einstaklinga.

„Ljóst er að ef slíkar tillögur myndu fram ganga þá myndi skattbyrði annarra aukast verulega,“ segir á vef samtakanna en þar eru jafnframt birt áhugaverð gröf upp úr erindi Ásdísar sem fjallaði einnig um hvernig skattbyrði dreifist milli mismunandi tekjutíunda.

„Tuttugu prósent þeirra sem hafa hæstu tekjurnar á Íslandi greiða í dag til ríkisins 72% af hreinum heildargreiðslum tekjuskatts einstaklinga að teknu tilliti til vaxta og barnabóta. Lægstu fimm tekjutíundir eða helmingur framteljenda stendur undir tæplega 1% af greiddum tekjuskatti til ríkisins og 30% þeirra sem lægstar hafa tekjurnar fá meira greitt úr ríkissjóði í formi bóta en sem nemur staðgreiðslu tekna.“

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim