Í lok síðasta árs námu aflandskrónueignir 191 milljarða króna og höfðu minnkað um ríflega 128 milljarða frá lok mars 2016. Þetta kemur fram í frétt sem birtist á vef Seðlabanka Íslands.
Þar er tekið fram að í árslok hafi mest af aflandskrónum í ríkisbréfum, ríkisvíxlum og öðrum bréfum með ríkisábyrgð, 105,6 milljarðar króna voru í reiðufé og innistæðubréfum Seðlabankans voru 72,7 milljarða krónur og 12,8 milljarðar í öðru eignaformi.
Í lögum sem tóku gildi í maí síðastliðnum var kveðið á um afmörkun aflandskrónaeigna og flutning þeirra á umsýslureikninga í Seðlabankanum og á reikninga háðum sérstökum takmörkunum.
„Í greinargerð með frumvarpinu var birt mat á heildarumfangi aflandskrónaeigna eins og þær voru 31. mars 2016, byggt á greiningu Seðlabanka Íslands. Aflandskrónaeignir voru þá áætlaðar 319,1 ma.kr. Í júní 2016 hélt Seðlabankinn gjaldeyrisútboð fyrir aflandskrónaeigendur þar sem tilboðum var tekið fyrir samtals 82,9 ma.kr. Þá var eigendum aflandskrónaeigna heimilt að eiga gjaldeyrisviðskipti við Seðlabankann á viðmiðunargenginu 220 krónur á evru til 1. nóvember 2016 og leituðu þá um 15,5 ma.kr. útgöngu. Að teknu tilliti til framangreinds, vaxtagreiðslna, endurmats á afmörkun og markaðsverðmæti aflandskrónaeigna námu aflandskrónaeignir 191 ma.kr. 1. janúar 2017,“ segir í frétt Seðlabankans.
