*

mánudagur, 12. nóvember 2018
Fólk 1. apríl 2014 14:01

Anna Björk ráðin til Expectus

Nítján manns starfa nú hjá ráðgjafafyrirtækinu Expectus og sinna margvíslegri ráðgjöf.

Ritstjórn

Anna Björk Bjarnadóttir hefur verið ráðin rekstrarráðgjafi hjá Expectus.  Ráðgjafarfyrirtækið Expectus var stofnað fyrir sléttum fimm árum og hefur síðan vaxið og dafnað. 

Í dag vinna 19 starfsmenn hjá fyrirtækinu og sinna ráðgjöf á sviði stefnumótunar, rekstrar og upplýsingatækni og meðal viðskiptavina eru framsæknustu fyrirtæki og stofnanir landsins. 

Hún hefur lokið prófi í leiðtoga- og markaðsfræðum og hefur áralanga reynslu sem leiðtogi og stjórnandi í fjarskipta- og tæknigeiranum og hefur verið drifkraftur í stefnumótun og þróun þeirra fyrirtækja sem hún hefur komið að.  Áður en hún kom til Expectus vann hún um langt skeið hjá Símanum, m.a. sem framkvæmdastjóri tæknisviðs og sem framkvæmdastjóri einstaklingssviðs. Þar áður vann hún sem ráðgjafi hjá Capacent.

Stikkorð: Expectus