Gagarín hefur fengið grafíska hönnuðinn Atla Hilmarsson til liðs við sig. Atli lauk BA-námi frá Parsons, New York og MA-námi frá Kunstgewerbeschüle (Basel School of Design), Basel. Þetta kemur fram í tilkynningu frá fyrirtækinu.
Eftir námið vann Atli meðal annars í nokkur ár í Þýskalandi, hjá Meta Design og KMS-Team.
Atli hefur verið stundakennari á Íslandi, í Þýskalandi og Austurríki frá árinu 1994.
Atli hefur jafnframt starfað sem hönnuður fyrir mörg heimsþekkt fyrirtæki og vörumerki auk þess sem hann rekur sína eigin stofu Vinnustofu Atla Hilmarssonar.
