þriðjudagur, 9. febrúar 2016
Innlent 25. júní 2012 09:52

Bakkabræður fengu 8,9 milljarða frá Exista

Hluthafar Bakkavarar vilja koma í veg fyrir yfirtöku á félaginu. DV segir ekki útilokað að Kaupþingsstjórar standi á bak við kaupin.

Ritstjórn
Lýður Guðmundsson stórnarformaður Exista
Haraldur Jónasson

Ágúst og Lýður Guðmundssyni, löngum kenndir við matvælafyrirtækið Bakkavör, fengu tæpa 8,7 milljarða króna í arð frá Exista á árunum 2005 til 2007 vegna afkomu félagsins á undangengnu ári. Þeir hafa boðið eigendum Bakkavarar 16 milljarða fyrir félagið og undrast menn hvaðan peningarnir koma. Í DV segir að hluthafar Bakkavarar hafi tekið sig saman um að koma í veg fyrir yfirtöku bræðranna á félaginu.

Bræðurnir voru helstu eigendur Exista. Exista var helsti hluthafi Bakkavarar og Kaupþings á árunum fyrir hrun.

Bræðurnir misstu eignarhald sitt á Bakkavör til kröfuhafa eftir hrunið. Fram kom í fréttum Stöðvar 2 og Fréttablaðinu um helgina að þeir hafi leitast við að kaupa félagið af núverandi eigendum 75% hlutafjár. Sjálfir eiga þeir um fjórðungshlut.

Helstu eigendur Bakkavarar að bræðrunum undanskildum eru Arion banki og nokkrir lífeyrissjóðir. 

DV tekur málið saman og heldur áfram með frásagnir annarra fjölmiðla í dag. Í blaðinu segir jafnframt að ekki sé loku fyrir það skotið að fyrrverandi samverkamenn Bakkabræðra standi á bak við þá, svo sem Sigurður Einarsson, fyrrverandi stjórnarformaður Kaupþings, og Hreiðar Már Sigurðsson, fyrrverandi forstjóri bankans. 

Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.