*

föstudagur, 15. desember 2017
Fólk 5. desember 2017 12:03

Guðmundur yfir afleiðuborði Íslandsbanka

Íslandsbanki hefur ráðið Guðmund Þórð Guðmundsson sem forstöðumann Afleiðuborðs bankans.

Ritstjórn
Aðsend mynd

Guðmundur Þórður Guðmundsson hefur verið ráðinn forstöðumaður Afleiðuborðs Íslandsbanka. Guðmundur hefur yfir 15 ára reynslu af fjármálamarkaði en hann starfaði hjá Íslandsbanka og forverum árin 1996 til 2004, meðal annars sem forstöðumaður yfir afleiðuborði. Hann hefur einnig starfað sem forstöðumaður og framkvæmdastjóri hjá Arion banka.

Guðmundur er verkfræðingur frá Háskóla Íslands með meistaranám í verkfræði frá DTU í Kaupmannahöfn. Hann er einnig með B.Sc. í tölvunarfræði frá Háskólanum í Reykjavík og próf í verðbréfaviðskiptum.  Að auki er Guðmundur CFA® charterholder.

Afleiðuborð heyrir undir Fyrirtæki og fjárfesta og sér um að mynda innri markað með afleiður og gjaldeyri  fyrir verðbréfa- og gjaldeyrismiðlun ásamt því að vera millibanki með gjaldeyri. 

Eyjólfur Örn Jónsson er forstöðumaður verðbréfamiðlunar og Þórhallur Sverrisson er forstöðumaður gjaldeyrismiðlunar.