Haustráðstefna Advania fór fram í 21. sinn á dögunum, en ríflega þúsund manns sátu ráðstefnuna, þar á meðal um 250 erlendir gestir. Ráðstefnan fór fram í Hörpu og gátu ráðstefnugestir valið úr fyrirlestrum á þremur þemalínum: Tækni og öryggi, Nýsköpun og Stjórnun.
Meðal þeirra þess sem fram fór á ráðstefnunni má nefna erindi á vegum Geimvísindastofnunar Evrópu um það hvernig lent er á halastjörnu, erindi á vegum Mercedes-Benz um sjálfkeyrandi bíla og sýning á nýjum gervifæti frá Össuri, en fætinum er stýrt með hugarafli.
Ljósmyndari Viðskiptablaðsins sótti ráðstefnuna og myndaði gesti og gangandi.