Hjördís Hugrún Sigurðardóttir hóf nýlega störf sem ráðgjafi hjá Accenture í Zürich í Sviss. Accenture sérhæfir sig í tækniráðgjöf og er fyrirtækið á lista Fortune Global 500. Hjá Accenture starfa tæplega 460 þúsund manns um allan heim og viðskiptavinir fyrirtækisins eru m.a. 95 af Fortune Global 100 listanum.
Hjördís Hugrún er með B.Sc. í iðnaðarverkfræði frá Háskóla Íslands og stundaði meistaranám í rekstrarverkfræði við ETH Zürich. Hún skrifaði einnig bókina Tækifærin ásamt móður sinni Ólöfu Rún Skúladóttur og heldur úti instagram síðunni Hún er meistari , þar sem finna má má góð ráð og hvetjandi sögur úr atvinnulífinu sem fyrirmyndirnar deila í bókinni.
„Ég er í skýjunum með þetta. Þetta er krefjandi og magnað tækifæri,“ segir Hjördís Hugrún. „Ég hef unnið talsvert í strategíu og breytingastjórnun síðustu ár en meira á sviði framleiðslu og vörustjórnunar en fæ núna að spreyta mig á upplýsingatækni sviði.
