*

fimmtudagur, 27. apríl 2017
Innlent 21. apríl 2017 15:02

Loka tímabundið

Bláa Lónið verður lokað gestum frá 23. til og með 27. apríl vegna framkvæmda við jarðsjávarlögn.

Ritstjórn

Bláa Lónið og athafnasvæði þess verður lokað frá 23. apríl til og með 27. apríl 2017 vegna framkvæmda við jarðsjávarlögn, þetta kemur fram í tilkynningu félagsins. Samkvæmt hennir var ákvörðun um lokunartímabilið tekin í október á síðasta ári og var þá þegar lokað fyrir bókanir á umræddu tímabili. Verslun og veitingastaðir í Bláa Lóninu munu einnig loka á tímabilinu ásamt Silica hóteli. Starfsemin opnar aftur þann 28. apríl.  

Að sögn fyrirtækisins er framkvæmdin mikilvægur þáttur í nýframkvæmdum Bláa Lónsins, en ný heilsulind sem mun bera heitið Lava Cove verður tekin í notkun í haust ásamt hóteli sem verður starfrækt undir nafninu Moss Hotel. Lögnin mun flytja jarðsjó inn á lónsvæði heilsulindarinnar og hótelsins.

Framkvæmdum miðar að sögn vel áfram og mun þeim ljúka í haust þegar hin nýja heilsulind og hótel verða tekin í notkun.