*

þriðjudagur, 18. desember 2018
Innlent 13. desember 2017 09:20

Meiri ríkisútgjöld ein ástæða vaxtastigs

Seðlabankinn bíður með breytingar og segir framhald stýrivaxtaþróunar ráðast af komandi fjárlögum og kjarasamningum.

Ritstjórn
Haraldur Guðjónsson

Vegna meiri hagvaxtar en gert hafði verið ráð fyrir í nóvemberhefti Peningamála og horfum á að áfram verði umtalsverð spenna í þjóðarbúskapnum segir Seðlabankinn. Það ásamt minnkandi útflutningi og aukinni innlendri eftirspurn, sem komi til af meiri slaka á ríkisfjármálum, kalli á peningalegt aðhald.

Eins og Viðskiptablaðið sagði frá rétt í þessu hefur peningastefnunefnd bankans ákveðið að meginvextir bankans, innlán bundin í sjö daga verði áfram í 4,25%, sem bæði Arion banki og Íslandsbanki spáðu, meðan Landsbankinn spáði lækkun um 0,25 prósentustig.

Segir bankinn að framhaldið ráðist af framvindu efnahagsmála, og nefnir þar sérstaklega stefnuna í opinberum fjármálum og niðurstöðu kjarasamninga, en slakinn hafi verið meiri í opinberum fjármálum á yfirstandandi ári en áður hafði verið talið.