sunnudagur, 7. febrúar 2016
Innlent 22. júní 2012 07:21

Stefna á slit Glitnis fyrir áramót

Slitastjórn Glitnis stefnir að því að klára nauðsamningsferli Glitnis og afhenda bankann kröfuhöfum fyrir áramót.

Ritstjórn
Steinunn Guðbjartsdóttir - Slitastjórn Glitnis
Birgir Ísl. Gunnarsson

Stefnt er að því að klára nauðasamningsferli Glitnis fyrir árslok. Við það munu 830 milljarða króna eignir þrotabúsins færast til félags í eigu kröfuhafa Glitnis, sem eru að langstærstu leyti erlendir aðilar. Á meðal þeirra eigna sem færast í hendur kröfuhafanna er 95 prósenta hlutur slitastjórnar Glitnis í Íslandsbanka.

Frá þessu er greint í Fréttablaðinu í dag en slitastjórn Glitnis hefur boðað til kröfuhafafundar í Lundúnum í byrjun júlí til að kynna skilmála væntanlegs nauðasamnings bankans.

Steinunn Guðbjartsdóttir, formaður slitastjórnarinnar, segir í samtali við blaðið að til standi að kynna útlínur nauðasamnings fyrir þeim kröfuhöfum sem ekki eiga sæti í óformlegu kröfuhafaráði Glitnis. Þá segir Steinunn að ef ekkert óvænt komi upp á verði hægt að klára nauðasamningsgerðina á þessu ári. 

Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.