Sjö útvegsfyrirtæki styrktu framboð þingmannsins Jón Gunnarssonar um samtals eina milljón krónur vegna prófkjörs hans í Sjálfstæðisflokknum í síðasta mánuði. Þetta er hæsti einstaki styrkur frá lögaðila til þeirra sem þátt tóku í prófkjöri flokksins í suðvesturkjördæmi. Sjálfstæðismenn, þar á meðal Jón, hafa talað hvað harðast gegn breytingum á kvótakerfinu.
Framboð Jóns var það dýrasta í kjördæminu en framlög til þess námu samtals tæpum 2,8 milljónum króna. Jón lagði sjálfur tæpar 550 þúsund til framboðsins og fékk álíka háa fjárhæð frá átta einstaklingum. Framlög frá lögaðilum, fyrirtækjum og einkahlutafélögum í eigu einstaklinga, námu samtals 1.670.000 krónum.
Fyrirtækin sem studdu framboð Jóns voru eftirfarandi: Kraftvélar hf., Eskja hf., Hraðfrystihús Hellisands, Dalborg ehf., Saltver ehf., Þorbjörn hf., Toyota á Íslandi, Eignarhaldsfélag Hörpu (félag Helga Magnússonar, formanns stjórnar Lífeyrissjóðs verslunarmanna, og fólki honum tengdu), Brim hf., Kogt ehf., Fjarðargrjót ehf., Vísir hf., Ístak hf., Magni ehf. og Smokkur ehf.
Þetta er á meðal þess sem fram kemur í upplýsingum frá sjö einstaklingum sem hafa skilað inn upplýsingum til Ríkisendurskoðunar um uppgjör sín í prófkjörum Sjálfstæðisflokksins í Suðvesturkjördæmi. Fram kemur í gögnunum að framlög í prófkjörum þeirra námu samtals rétt tæpum sjö milljónum króna.
UPPLÝSINGAR RÍKISENDURSKOÐUNAR Í HEILD - Nafn og samtals framlög:
Jón Gunnarsson – 2.766.417
Eigin framlög: 546.417
Bein framlög frá átta einstaklingum: 550.000
Bein framlög frá 15 lögaðilum: 1.670.000
Elínbjörg Magnúsdóttir – 1.155.000
Eigin framlög: 0
Bein framlög frá einum einstaklingi: 150.000
Bein framlög frá sex lögaðilum (Guðmundur Runólfsson, Ögurvík hf., Þorbjörn hf., Brim hf., Hraðfrystihús Hellisands hf. og Hvalur hf.) : 1.005.000
Teitur Björn Einarsson – 1.505.820
Eigin framlög: 0
Bein framlög frá 19 einstaklingum: 770.319
Bein framlög frá níu lögaðilum (Brim hf., JÁS lögmenn, HJ Bílar, 4-3 Trading, Bjarndal, Lexia, Lögfræðistofa Suðurnesja, Stuðull verkfræðistofa, Kubbur): 735.501
Óli Björn Kárason – 506.104
Eigin framlög: 81.104
Bein framlög frá þremur einstaklingum: 125.000
Bein framlög frá þremur lögaðilum: 300.000
Ragnar Önundarson – 448.378
Eigin framlög: 448.378
Annað ekki gefið upp
Karen Elísabet Halldórsdóttir – 436.291
Eigin framlög: 6.291
Bein framlög frá tveimur einstaklingum: 80.000.
Bein framlög frá þremur lögaðilum: 350.000
Gunnlaugur Snær Ólafsson – 152.849
Eigin framlög: 125.000
Bein framlög frá tveimur einstaklingum: 27.849