*

þriðjudagur, 22. maí 2018
Innlent 27. apríl 2018 13:08

Verðbólga aftur undir markmið

Á síðustu tólf mánuðum hefur vísitala neysluverðs hækkað um 2,3%.

Ritstjórn
Haraldur Guðjónsson

Verðbólgan er aftur komin undir markmið miðað við nýjar tölur Hagstofunnar um breytingar á vísitölu neysluverðs í apríl. Tólf mánaða verðbólga mælist nú 2,3%. Ef frá er dreginn húsnæðisliður vísitölunnar hefur vísitala neysluverðs lækkað um 0,2%.

Verðbólga mældist í fyrsta fyrir ofan 2,5% verðbólgumarkmið Seðlabankans í síðasta mánuði þegar hún var 2,8% á ársgrundvelli.

Vísitalan hækkaði um 0,04 frá marsmánuði og stendur í 452,2 stigum. Hækkunin var öllu minni en greiningaraðilar bjuggust við að því er segir í Hagsjá hagfræðideildar Landsbankans. Vísitala neysluverðs án húsnæðis hækkaði um 0,08% frá því í mars.