Fjármagn streymdi inn í hlutabréfasjóði í desember síðastliðinn en alls nam sala hlutdeildarskírteina í mánuðinum tæplega 3,2 milljörðum króna. Á sama tíma nam innlausn hlutdeildarskírteina tæplega 1,1 milljarði króna og nam því hreint innflæði inn í hlutabréfasjóði, það er sala nýrra hlutdeildarskírteina umfram innlausnir, tæplega 2,1 milljarði króna í desember. Þetta er mesta innflæði í hlutabréfasjóði í tvö ár, eða frá því í desember árið 2021.