Forkosningar fyrir Demókrataflokkinn voru haldnar í Iowa í gær. Jafnt var í sex umdæmum en samkvæmt reglum flokksins er kastað pening upp á hvor frambjóðandinn sigri í umdæminu.
Alls var því kastað upp pening sex sinnum upp á hvort að Hillary Clinton eða Bernie Sanders myndi sigra. Hillary Clinton vann öll sex kjördæmin. Líkurnar á að vinna sex sinnum í röð eru 1 á móti 64, eða um það bil 1,56% líkur.
Þegar öll atkvæði hafa verið talin var Clinton með 49,9% fylgi en Sanders fékk 49,6%.
