*

miðvikudagur, 22. maí 2019
Innlent 4. febrúar 2019 08:35

Icelandair fellur niður um sæti

12 þúsund færri farþegar nýttu sér áætlunarferðir frá Kastrup flugvelli í Kaupmannahöfn með Icelandair í fyrra.

Ritstjórn
Frá Kastrup flugvelli í Kaupmannahöfn.
european pressphoto agency

Á síðasta ári flutti Icelandair 344.022 farþega frá Kastrup flugvelli til Keflavíkur, og er félagið þar með 14. umsvifamesta félagið á vellinum. Þetta er fækkun um rúmlega 12 þúsund farþega, eða úr 356.438 frá árinu 2017, og þar með fellur félagið niður um sæti, úr því 13. á lista yfir umsvifamestu félögin á flugvellinum sem Túristi birtir á vef sínum.

Þar má finna annað íslenskt félag, sem er hið nú gjaldþrota Primera Air, sem var í 19. sæti. Wow air er hins vegar ekki á listanum þar sem einungis eru veittar upplýsingar um 20 stærstu félögin, en öfugt við Kaupmannahafnarflugvöll veitir Keflavíkurflugvöllur ekki samsvarandi upplýsingar. 

Kærði Túristi ákvörðun Isavia um að birta ekki tölurnar til úrskurðarnefndar upplýsingamála en ekki hefur enn verið fjallað um málið. Tíu af tuttugu stærstu félögin á vellinum fljúga ekki til Íslands, þar á meðal Ryanair, KLM og Air France. Líklegt má telja að Icelandair geti unnið sig aftur upp listann því félagið hefur boðað tíðari ferðir á flugvöllinn í sumar.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim