Fjárfestar hafa í auknum mæli verið að veðja á gengislækkun evrunnar gagnvart Bandaríkjadal síðustu mánuði en samkvæmt Financial Timesen allt stefnir í að Evrópski seðlabankinn muni lækka vexti á undan þeim bandaríska.
FT greinir frá því að fjárfestar hafi verið að kaupa afleiður sem borga sig ef gengi evru fer undir 1 dal eða lægra. Samkvæmt Bank Of America eru um 10% líkur á að það gerist á næstu sex mánuðum en í ársbyrjun voru nær engar líkur á því.
Evran stendur í 1,06 Bandaríkjadal og hefur lækkað um 3,58% á árinu. Um 6,5% lækkun frá gengi evrunnar í ársbyrjun þarf til svo að afleiðan borgi sig.
„Svo virðist vera að fjárfestar séu að gefa upp vonina á að vextir verði lækkaðir til muna í Bandaríkjunum í ár á meðan fjárfestar virðast frekar sannfærðir um að Evrópski seðlabankinn lækki vexti í júní,“ segir Francesco Pesole, sérfræðingur í gjaldeyrismörkuðum hjá ING, við Financial Times.
