Um áramótin síðustu sameinuðust upplýsingatæknifyrirtækin Premis, Omnis og Netvistun undir nafni Premis.
Starfsmenn eru þegar fluttir í húnæði Premis í Hádegismóum en fyrirtækið mun byggja á tveimur meginstoðum; annars vegar tölvuþjónusta, kerfisrekstur og hýsing og hins vegar og hugbúnaðarlausnir og vefsíðugerð.
Kristinn Elvar Arnarsson, framkvæmdastjóri Premis, mun leiða sameinað félag en hann telur mikil tækifæri felast í sameiningunni. Í tilkynningu um sameininguna segir að Omnis hafi mikla reynslu í nýtingu skýjalausna en að Premis sé aftur á móti með öfluga hýsingarþjónustu. „Við teljum að lausnir framtíðar felist í að tvinna saman hagkvæmni skýjalausna við hýsingu þeirra kerfa sem þurfa nálægðina.“