Úrvalsvísitalan FTSE 100 hefur hækkað um 1,7% í viðskiptum dagsins og stendur í 8.030,38 stigum þegar þetta er skrifað.
Um er að ræða fjórða viðskiptadaginn í röð sem vísitalan hækkar en vísitalan hefur hækkað um 128 í dag og er einungis 40 punktum frá sínu hæsta gengi.
Um er að ræða fjórða viðskiptadaginn í röð sem vísitalan hækkar.
Samkvæmt viðskiptablaði The Guardian má rekja hækkanir dagsins til bjartsýni fjárfesta um að vextir verði lækkaðir á Bretlandseyjum um hálft prósent í ágústmánuði.
Líkt og Viðskiptablaðið greindi frá sagði aðstoðarseðlabankastjóri Englandsbanka á föstudaginn að vonir standi til að verðbólga muni hjaðna mikið í aprílmánuði.
Samkvæmt The Guardian eru fjárfestar einnig að fagna því að dregið hafi úr átökum fyrir botni Miðjarðarhafs.
Ferðaþjónustufyrirtæki og smávöruverslanir eru meðal þeirra fyrirtækja sem eru að hækka hvað mest í FTSE 100 vísitölunni.