*

fimmtudagur, 19. júlí 2018
Innlent 12. apríl 2018 16:44

Benedikt í hópi stærstu hluthafa

Benedikt Rúnar Steingrímsson er orðinn einn stærsti hluthafi fasteignafélagsins Regins.

Ingvar Haraldsson
Helgi S. Gunnarsson, forstjóri Regins, og Páll Harðarson, forstjóri Kauphallar Íslands við skráningu Regins á markað árið 2012.

Benedikt Rúnar Steingrímsson er kominn í hóp tuttugu stærstu hluthafa fasteignafélagsins Regins eftir kaup Regins á 45% hlut í fasteignafélaginu FM-húsum. Reginn á FM-hús nú að fullu en það keypt 55% hlut í félaginu árið 2016.

Reginn greiddi fyrir hlutinn í FM-húsum nú, með útgáfu nýs hlutafjár til eigenda FM-húsa. Eftir viðskiptin á Benedikt 1,57% hlut í Reginn og er því 19. stærsti hluthafi fyrirtækisins.

Benedikt Rúnar varð í hópi hæstu skattgreiðenda á landinu á í kjölfar viðskiptanna að því er Mbl.is greindi frá. Benedikt greiddi 112.971.635 krónur í opinber gjöld vegna ársins 2016.