Björgin Guðmundsson einn eiganda KOM almannatengsla hefur sent inn kvörtun til Persónuverndar vegna nýrrar upplýsingaveitu Ríkisskattstjóra. Segir Björgvin þetta í tísti á samfélagsmiðlinum Twitter en þess má geta að Björgvin er fyrrum ritstjóri Viðskiptablaðsins.

„Vinnsla og miðlun upplýsinga um tekjur allra Íslendinga er í mínum huga klárlega ólögleg. Ég hef lagt fram kvörtun hjá Persónuvernd.“ Tilefnið er væntanlega tilkoma vefjarins tekjur.is sem opnaði í morgun. Uppfært. Ríkisskattstjóri bendir á að vefurinn er ekki á vegum embættisins eins og áður var sagt. Skattaskrá stofnunarinnar er opin allt árið.

Nú liggur fyrir þingsályktunartilla frá fimm þingmönnum Vinstri grænna, sem leiða ríkisstjórnina, um að allar álagningarskrár einstaklinga verði birtar rafrænt. Vilja þau Andrés Ingi Jónsson, Bjarkey Olsen Gunnarsdóttir, Ólafur Þór Gunnarsson, Rósa Björk Brynjólfsdóttir og Steinnunn Þóra Árnadóttir að ráðherra leggi fram frumvarp þessa efnis fyrir lok næsta árs.

Samkvæmt ályktuninni yrðu allir álagðir skattar birtir rafrænt og yrðu aðgengilegir árið um kring, í stað núverandi skrár sem er einungis aðgengileg á pappírsformi og þá í nokkra daga. Tillagan hefur ekki hlotið þinglega meðferð.