*

fimmtudagur, 23. maí 2019
Innlent 30. ágúst 2012 15:58

Síldarvinnslan kaupir útgerð Magnúsar Kristinssonar

Síldarvinnslan á Neskaupsstað fær skuldir Bergs-Hugins í heimamund. Eitt af fjórum skipum verður selt.

Ritstjórn
Gunnþór Ingvason.
Haraldur Jónasson

Síldarvinnslan á Neskaupsstaðð hefur samið um kaup á öllu hlutafé í útgerðarfélaginu Bergur-Huginn í Vestmannaeyjum. Kaupverð er trúnaðarmál. 

Bergur-Huginn gerir út tvo nýlega togara, Bergey VE-544 og Vestmannaey VE-444. og hjá félaginu starfa 35 manns.  Bergur-Huginn rekur ekki landvinnslu og hefur stærsti hluti aflans farið á markað erlendis.

Fram kemur í tilkynningu að eftir kaupin eigi Síldarvinnslan fjögur skip til bolfiskveiða. Hins vegar sé ljóst að þeim verði fækkað um eitt í hagræðingarskyni. Þá mun reksturinn allur verða endurskipulagður. Áfram verður gert út frá Vestmanneyjum og Neskaupstað.

Milljarðaskuldir fylgja með

Haft er eftir Gunnþóri Ingvassyni, framkvæmdastjóra Síldarvinnslunnar, að við kaupin verði teknar yfir umtalsverðar skuldir. Með hagræðingu verði þær viðráðanlegar. 

Skuldir Bergs-Hugins námu tæpum 7,3 milljörðum króna í lok síðasta árs og var eigið fé útgerðarinnar neikvætt um 2,8 milljarða króna. Á sama tíma nam verðmæti eigna tæpum 4,5 milljörðum króna.

 Bergur-Huginn verður rekið áfram sem sjálfstætt félag, að sögn Gunnþórs. 

Kaupin eru gerð með fyrirvara Samkeppniseftirlitsins.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim