*

laugardagur, 22. september 2018
Erlent 12. september 2016 12:08

Tekjur United yfir 500 milljónir punda

Tekjur knattspyrnuliðsins Manchester United námu 515,3 milljónum punda á síðasta reikningsári.

Ritstjórn
Paul Pogba, dýrasti leikmaður heims
epa

Tekjur Manchester United námu 515,3 milljónum punda fyrir reikningsárið 2016. United er því fyrsta breska liðið þar sem að tekjur nema yfir 500 milljónir á einu ári. Þetta kemur fram á vef BBC.

Liðið sigraði FA bikarinn á síðastliðnu tímabili. Það skrifaði einnig undir 14 samstarfssamninga við fyrirtæki. Tekjur félagsins tengdar sjónvarpsútsendingum og tekjur sem félagið hlaut á leikdag hækkuðu á tímabilinu.

Samkvæmt spám þá eiga tekjur United að hækka enn meira á árinu 2017, þrátt fyrir að liðið eigi ekki sæti í meistaradeildinni.

Tekjuhæsta lið heimsins, Barcelona, sem hagnaðist um 570 milljón pund á sama tímabili.

Haft er eftir Ed Woodward, varaformanni í stjórn Manchester United að þetta sé til marks um styrk viðskiptahliðar liðsins, að liðið geti skilað mettekjum þátt fyrir að taka ekki þátt í meistaradeildinni. Liðið hafi því getað fjárfest í innviðum og leikmönnum og telur hann að það eigi eftir að hafa góð áhrif á gengi United inn á vellinum.

Stikkorð: Manchester United tekjur aukning