Boeing 737 Max vél sem framleidd hefur verið fyrir Ryan Air og býður líkt og aðrar vélar af þessari gerð á bílastæðum við verksmiðju félagsins er ekki með hina nú alræmdu merkingu á sér. Þess í stað hefur vélin merkt sem 737-8200 á nefi vélarinnar, sem ýtt hefur undir vangaveltur um að félagið hyggist markaðssetja vélarnar undir nýju nafni þegar þær fá loks flugrekstrarleyfi.
HI-Res Photos: The MAX name has been dropped from the high capacity version of the #737MAX8 that @Ryanair has on order. pic.twitter.com/3q5QBN0TTg
— Woodys Aeroimages (@AeroimagesChris) July 15, 2019
Eins og ítarlega hefur verið fjallað um hafa vélar af þessari gerð ekki verið leyft að fljúga síðan tvö flugslys á 5 mánaða tímabili voru rekin til sjálfstýribúnaðar sem tók stjórnina af flugmönnum í annars vegar Eþíópíu og hins vegar Indónesíu í flugtaki.
Ýmsir hafa sagt að félagið ætti að endurmerkja vélarnar og markaðssetja þær undir nýju nafni, þar á meðal Donald Trump Bandaríkjaforseti sem tísti í apríl að „Ef ég væri Boeing, myndi ég LAGA Boeing 737 MAX vélarnar, bæta við einhverjum frábærum eiginleikum og endurmarkaðssetja hana undir nýju nafni“.
What do I know about branding, maybe nothing (but I did become President!), but if I were Boeing, I would FIX the Boeing 737 MAX, add some additional great features, & REBRAND the plane with a new name.
— Donald J. Trump (@realDonaldTrump) April 15, 2019
No product has suffered like this one. But again, what the hell do I know?
Fengu vélarnar á afslætti
Fleiri en Ryanair hafa notað annað nafn yfir vélarnar þegar tilkynnt hefur verið um pantanir á vélum af þessari gerð, sem þrátt fyrir kyrrsetningu renna enn af færibandi flugvélaverksmiðju Boeing.
Samkvæmt tilkynningu IAG flugsamsteypunnar sem á m.a. British Airways og Aer Lingus þegar félagið keypti vélar af þessari gerð á afslætti í síðasta mánuði var vísað til þeirra sem „200 B737 flugvéla“ sem myndi bætast í hóp véla félagsins sem væru „blanda 737-8 og 737-10 véla“.
Boeing hefur neitað að staðfesta nafnabreytinguna en haft er eftir talsmönnum félagsins á sölusýningu í París að félagið muni íhuga nafnabreytingu til að hjálpa til við að koma vélunum aftur í háloftin að því er Guardian greinir frá.
Síðan tilkynnti félagið þó að það væri ekki að vinna að nafnabreytingu á þessari mest seldu vél félagsins frá upphafi, en miklar vonir voru settar á að hún gæti aukið sparnað í flugrekstri, og því hafa borist um 5.000 pantanir á vélinni. Engin vél hefur þó verið afhent síðan í apríl.