Úrvalsvísitalan OMXI 15 lækkaði um 0,22% í viðskiptum dagsins en heildarvelta á markaði var um 2,4 milljarðar.
Hlutabréf í Icelandair hækkuðu um 4% í um 200 milljón króna veltu og var dagslokagengið 1,09 krónur.
Ekkert annað félag á aðalmarkaði hækkaði meira en 1% í viðskiptum dagsins.
Gengi fasteignafélagsins Kaldalóns og málmleitarfélagsins Amaroq lækkaði um 1,5% í viðskiptum dagsins í lítilli veltu.
Mesta veltan var með bréf Síldarvinnslunnar sem nam um 400 milljónum en gengið hreyfðist lítillega og hækkaði um minna en 1%.