Bandaríski bílaframleiðandinn General Motors hefur hækkað afkomuspá sína fyrir árið í ljósi aukinnar eftirspurnar eftir bensínknúnum pallbílum og jeppum. Á sama tíma hefur fyrirtækið aukið fjárfestingar sínar í framtíðarlausnum eins og ómönnuðum leigubílum.
General Motors tilkynnti í dag 24% aukningu í hagnaði á fyrsta ársfjórðungi þessa árs en fyrirtækið hagnaðist um rúmlega 3 milljarða dali.
Paul Jacobsen, fjármálastjóri GM, segir í viðtali við WSJ að fyrirtækið hafi búist við sölulækkun eftir heimsfaraldur en bílasölur þurfa nú að selja fleiri bíla eftir afléttingu sóttvarnarreglna. „Neytendur halda hins vegar áfram að eyða og hafa verið ótrúlega seigir á þessu tímabili og í slíku umhverfi getum við staðið okkur.“
Pallbílarnir frá GM, Chevrolet Silverado og GMS Sierra náðu allir markaðshlutdeild í Bandaríkjunum á fyrsta ársfjórðungi þessa árs. Ford Motor og Ram, vörumerki í eigu Stellantis, lækkuðu aftur á móti.
Hlutabréf í General Motors hækkuðu um tæp 4% í viðskiptum í dag.
