Tæknitítaninn Apple hyggst ráða 1.000 manns í alþjóðlegar starfsstöðvar sínar í Cork á Írlandi.
Starfsfólkið mun vinna við framleiðslu, þjónustu við kúnna, fjármál og framboðskerfi, segir á vef AppleInsider.
Embættismenn Cork eru heldur betur sáttir með þessa ákvörðun Apple.
Þeir hafa sagt að það sé merki um traustið sem eitt stærsta félag heims leggur á írska hagkerfið þegar það ákveður að stækka við sig og ráða fleira fólk.
Verksmiðjan í Cork, sem framleiðir iMac-borðtölvur, er sú eina í heiminum sem er alfarið í eigu Apple sjálfs.