Ákvörðun Alríkisviðskiptastjórnar Bandaríkjanna (FTC) um að banna svokölluð samkeppnisákvæði (e. non-compete) í ráðningarsamningum hefur hrist verulega upp í ráðningarsamningum í fjármálahverfi Bandaríkjanna, Wall Street.
Financial Timesgreinir frá því fjármálafyrirtæki séu nú að reyna, með aðstoð lögmanna, að reyna finna leiðir til að gera breytingar á ráðningasamningum við lykilstarfsmenn svo þeir missi þá ekki til samkeppnisaðila.
„Þetta er byrjunin á alvöru breytingum“
Samkeppnisákvæði, sem koma í veg fyrir að starfsmenn megi vinna hjá samkeppnisaðila í ákveðinn tíma eftir starfslok, hafa lengi verið mikilvægt tól hjá bönkum, verðbréfamiðlurum og vogunarsjóðum vestanhafs.
Í gær ákvað stjórn FTC, með þremur atkvæðum gegn tveimur, að ógilda slíka samninga. Ákvörðunin gildir fyrir alla núverandi samninga sem og alla nýja samninga en breytingin tekur gildi í ágústmánuði.
Ráðningarstofur í Bandaríkjunum telja að breytingin muni losa verulega um hæfileikaríkt fólk í lykilstöðum en það er vel þekkt að verðbréfamiðlarar og bankastarfsmenn séu tregir að segja upp störfum þrátt fyrir að þeir séu óánægðir í starfi.
„Fyrirtæki muni bæði vaxa og fara á hausinn út af þessari reglubreytingu,“ segir Laura Pollock, stofnandi Third Street Partners ráðgjafarfyrirtækis sem sérhæfir sig í að finna hæfa fjárfestingastjóra, í samtali við FT. „Þetta er byrjunin á alvöru breytingum,“ bætir hún við.
