FISK-Seafood ehf. á Sauðárkróki hefur gengið frá samningi um kaup á öllum eignarhlut Brims hf. sem nú heitir Útgerðarfélag Reykjavíkur í Vinnslustöðinni hf. í Vestmannaeyjum. Þetta kemur fram í fréttatilkynningu frá FISK-Seafood ehf.

Um er að ræða þriðjungs hlut alls hlutafjár í Vinnslustöðinni og kaupverðið er 9.400 milljónir króna. Samningurinn verður sendur Samkeppniseftirlitinu.

Stjórn og stjórnendur FISK-Seafood ehf. vænta góðs samstarfs við eigendur og stjórnendur Vinnslustöðvarinnar hf. og sjá mikil tækifæri í rekstri félagsins og samvinnu þessara tveggja sjávarútvegsfyrirtækja.