*

miðvikudagur, 21. nóvember 2018
Innlent 10. mars 2015 08:21

Framkvæmdir hafnar við íbúðaturn á Höfðatorgi

Tveir turnar til viðbótar munu rísa á Höfðatorgi; tólf hæða íbúðaturn og níu hæða skrifstofuhús.

Ritstjórn
Hótelturninn við Höfðatorg.
Haraldur Guðjónsson

Framkvæmdir eru hafnar við tólf hæða íbúðaturn á Höfðatorgi í Reykjavík og er áætlað að byggingu hans ljúki um sumar 2017. Pétur Guðmundsson, forstjóri Eyktar, segir í samtali við Morgunblaðið að 90 íbúðir verði í turninum. 

Íbúðaturninn verður 12.000 fermetrar ofanjarðar og nemur kostnaður við byggingu hans á fimmta milljarð króna. Hönnunin bíður samþykkis borgaryfirvalda í Reykjavík, en hins vegar hefur framkvæmdarleyfi verið veitt vegna kjallara hússins.

Þá er gert ráð fyrir tveimur skrifstofubyggingum austur af íbúðarturninum og segir Pétur að hönnun við þær séu langt komnar. Stefnt sé að því að hefja framkvæmdir við annað skrifstofuhúsið með haustinu, en sú framkvæmd mun kosta nokkra milljarða króna.