Íslandsbanki hefur ákveðið að fella niður lántökugjald fyrir þá sem eru að kaupa sína fyrstu íbúð en þetta er gert í tilefni af aukinni sjálfvirknivæðingu lánaferla. Viðskiptavinir bankans geta nú sótt um greiðslumat á netinu með rafrænni undirskrift.
Segir bankinn að þessi kjarabót komi til viðbótar við lækkun á föstum verðtryggðum húsnæðislánavöxtum sem tóku gildi fyrr í mánuðinum.
Landsbankinn og Arion banki hafa áður boðið sambærilega niðurfellingu á lántökugjöldum við kaup á fyrstu eign.