*

laugardagur, 22. september 2018
Innlent 7. ágúst 2018 11:02

Leggja til skráningu gullkaupenda

Neytendastofa leggur til að allir aðilar eðalmálma- og eðalsteinaviðskipta verði skráningaskyldir, í umsögn um peningaþvættisfrumvarp.

Ritstjórn
Neytendastofa segir viðskipti með eðalmálma með milligöngu þriðja aðila hafa aukist að undanförnu.
Aðsend mynd

Aðeins ein umsögn hefur borist dómsmálaráðuneytinu um drög að lögum um aðgerðir gegn peningaþvætti og fjármögnun hryðjuverka, samkvæmt frétt Morgunblaðsins.

Hún er frá Neytendastofu, og leggur til að kaupendur og milligönguaðilar eðalmálma og -steina verði skráningaskyldir, auk seljenda. Aðeins er gert ráð fyrir að seljendur verði skráningaskyldir í drögum ráðuneytisins.

Neytendastofa segir milligöngu þriðja aðila í viðskiptum með eðalmálma hafa aukist undanfarið. Kaupendur komi gagngert til landsins til að kaupa eðalmálma- og steina og auglýsi eftir seljendum í fjölmiðlum. Vandséð sé að ákvæðið nái til slíkrar starfsemi.

Frumvarpið var samið af starfshópi sem falið var að innleiða fjórðu peningaþvættistilskipun Evrópusambandsins, sem verður tekin upp í EES í október.