*

föstudagur, 24. maí 2019
Erlent 13. mars 2019 09:16

Nýr Brexit-samningur kolfelldur

Breska þingið kolfelldi í gær uppfærðan útgöngusamning May. Næst verður kosið um samningslausa útgöngu eða frestun.

Ritstjórn
Theresa May, forsætisráðherra Bretlands, hefur átt erfitt uppdráttar á þinginu síðustu misserin.
epa

Uppfærður útgöngusamningur Theresu May, forsætisráðherra Bretlands, úr Evrópusambandinu, var felldur með miklum meirihluta í neðri deild breska þingsins í gær. Kosið verður síðar í dag um hvort yfirgefa skuli sambandið samningslaust þann 29. mars næstkomandi, og á fimmtudag um hvort sækja skuli um frest á útgönguferlinu.

Hinn uppfærði samningur var felldur með 391 atkvæði gegn 242, en þar af kusu 75 samflokksmenn hennar gegn samningnum. Kosningin er eitt reiðarslagið fyrir May, en munurinn var þó minni en þegar met var sett á breska þinginu þegar upphaflegi Brexit-samningurinn var felldur í janúar.

Breytingarnar fólust í því að forseti framkvæmdastjórnar Evrópu, Jean-Claude Juncker, fullvissaði Breta á „lagalega bindandi hátt“ um að hin umdeilda Norður-írska varaáætlun yrði tímabundin. Í gærmorgun gaf yfirlögfræðingur ríkisstjórnar May hinsvegar út lögfræðiálit þar sem hann sagði yfirlýsingar Juncker hafa „dregið úr“ áhættu á að landið festist inni í tollabandalagi Evrópusambandsins, en lagaleg óvissa væri enn til staðar.

Juncker sagði í kjölfar atkvæðagreiðslunnar í gær að sambandið gæti ekkert aðhafst frekar. Lausn málsins yrði aðeins fundin í London.

Umfjöllun Financial Times.
Umfjöllun BBC.

Stikkorð: Brexit Theresa May
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim