*

mánudagur, 22. apríl 2019
Innlent 10. apríl 2019 18:01

Óvænt fé frestar skiptalokum Baugs

Skiptafundi Baugs Group hf., sem áætlað var að fram færi á morgun, var frestað í upphafi viku um ótiltekinn tíma.

Ritstjórn
Fall Baugs Group er eitt hið stærsta í Íslandssögunni ef undanskilin eru þrot gömlu bankanna.
Birgir Ísl. Gunnarsson

Skiptafundi Baugs Group hf., sem áætlað var að fram færi á morgun, var frestað í upphafi viku um ótiltekinn tíma. Samkvæmt heimildum Viðskiptablaðsins er ástæðan sú að óvænt hafi fundist fjármunir sem tilheyrðu búinu.

Í auglýsingu boðaðs fundar kom fram að fjallað yrði um frumvarp til úthlutunar úr búinu og að ef andmælum yrði ekki hreyft yrði skiptum lokið á grundvelli þess. Hið nýfundna fé þýðir hins vegar að skiptalok frestast.

Heimildir Viðskiptablaðsins herma að upphæðin sé nokkrir tugir milljóna en það eru smámunir í stóra samhenginu. Gjaldþrotið er eitt það stærsta í sögu Íslands, ef frá eru talin þrot gömlu bankanna, en búið var tekið til gjaldþrotaskipta í ársbyrjun 2009. Samtals var kröfum upp á 400 milljarða lýst í búið og fengust 240 milljarða kröfur samþykktar. Áætlað er að um sjö milljarðar fáist upp í samþykktar kröfur eða tæp þrjú prósent.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim