Þorsteinn Már Baldvinsson forstjóri Samherja var harðorður í garð lífeyrissjóða á ársfundi Samtaka atvinnulífsins á fimmtudag. Myndbrotið hér að ofan er frá fundinum.
Hann sagði að alþjóðleg stórfyrirtæki í sjávarútvegi ættu öll sín vörumerki. Íslendingar hefðu einnig átt gott vörumerki sem hefði verið Icelandic en það hafi verið selt.
Þorsteinn gagnrýndi lífeyrissjóðina fyrir söluna á vörumerkinu. Icelandic var eigu Framtakssjóðs Íslands, sem er í eigu lífeyrissjóðanna.
Í dag er Framtaksjóðurinn í eigu eftirtalinna félaga og lífeyrissjóða.
- Landsbankinn (27,59%)
- Lífeyrissjóður Verslunarmanna (19,91%)
- Gildi lífeyrissjóður (10,39%)
- Sameinaði lífeyrissjóðurinn (7,72%)
- Lífeyrissjóður starfsmanna ríkisins (7,36%)
- Söfnunarsjóður lífeyrissréttinda (6,62%)
- Stafir lífeyrissjóður (5,52%)
- Lífeyrissjóður starfsmanna sveitarfélaga (2,76%)
- Festa lífeyrissjóður ( 2,76%)
- Almenni lífeyrissjóðurinn (1,84%)
- Lífeyrissjóður Vestmannaeyja (1,47%)
- Lífeyrissjóður bankamanna (1,24%)
- Lífeyrissjóður Vestfirðinga (1,10%)
- Lífeyrissjóður verkfræðinga (1,10%)
- Eftirlaunasjóður FÍA (0,77%)
- Íslenski lífeyrissjóðurinn (0,68%)
- Lífeyrissjóður Rangæinga (0,58%)
- VÍS hf. (0,55%)
- Framtakssjóður Íslands GP hf. (0,02%)