*

föstudagur, 17. ágúst 2018
Innlent 8. ágúst 2018 17:53

Á þriðja tug báta sviptur strandveiðileyfi

Í dag ákvað Fiskistofa að svipta á þriðja tug báta strandveiðileyfi þar sem útgerðirnar hafa ekki staðið skil á álagningu vegna umframafla í strandveiðum í maí 2018.

Ritstjórn
Örn II SF 70 er einn þeirra báta sem var sviptur leyfi.
Haraldur Guðjónsson

Í dag ákvað Fiskistofa að svipta á þriðja tug báta strandveiðileyfi þar sem útgerðirnar hafa ekki staðið skil á álagningu vegna umframafla í strandveiðum í maí 2018. Þetta kemur fram í tilkynningu á heimasíðu Fiskveiðistofu. Sviptingin tekur gildi í kvöld og bátunum er óheimilt að halda til veiða frá og með fimmtudeginum 9. ágúst.

Til að aflétta sviptingunni þarf að greiða álagt gjald samkvæmt greiðsluseðli. Á heimasíðu Fiskistofu er hægt að sjá lista yfir þá báta sem sviptir voru leyfi.