*

mánudagur, 20. maí 2019
Erlent 19. apríl 2019 16:35

Þrjótar komust yfir 100 bifreiðar

Rúmlega hundrað bílum snjallbílaleigu í Chicago var stolið á miðvikudag.

Ritstjórn
Flestir af

Útibúi snjallbílaleigunnar car2go í Chicago-borg, Illinois-ríki Bandaríkjanna, var lokað um stundarsakir eftir að rúmlega hundrað bílum leigunnar var stolið. 

Hægt er að bóka og sækja bíl í gegnum smáforrit í síma og hermdu fyrstu fregnir að brotist hefði verið inn í forritið. Samkvæmt yfirlýsingu frá car2go reyndist það ekki raunin. 

„Við vinnum nú með lögregluyfirvöldum að endurheimta hina stolnu bíla auk þess að unnið er að því að tryggja að þetta endurtaki sig ekki. Engum trúnaðar- eða persónuupplýsingum um notendur okkar hefur verið stolið,“ segir í yfirlýsingu car2go. 

Þjófarnir nýttu sér galla í forritinu til að stela bílunum en um fimmtíu bílanna, af þeim rúmlega hundrað sem týndir eru, voru af tegundinni Mercedez Benz. Búið er að endurheimta fjölda ökutækja.

Car2go bílaleigan er dótturfyrirtæki Daimler og henni ýtt úr vör í Chicago í fyrra. Þaðan hefur fyrirtækið vaxið yfir öll Bandaríkin. Hægt er að leigja umhverfisvænan bíl með snjalltæki og er greitt fyrir hverja mínútu. 

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim