*

fimmtudagur, 15. nóvember 2018
Innlent 18. júlí 2016 13:10

Von Tetzhner fjárfestir í Hringbraut

Jón Von Tetzhner hefur keypt stóran hlut í Hringbraut. Hann gerist þar með annar stærsti hluthafinn.

Ritstjórn
Jón í frumkvöðlasetrinu Innovation House
Haraldur Guðjónsson

Fjárfestirinn Jón Von Tetzhner, oft kenndur við Operu vafrann, hefur fjárfest í fjölmiðlafyrirtækinu Hringbraut. Þetta kemur fram á vef Hringbrautar. Með kaupunum verður Jón annar stærsti hluthafi félagsins.

Jón hefur fjárfest í ýmsum fyrirtækjum á Íslandi. Arna, Hringdu, Dohop, Spyr.is, og Innovation House eru meðal þessara fyrirtækja. Gera má ráð fyrir því að að fleiri hluthafar berist í hópinn. Guðmundur Örn Jóhannsson, einn af eigendum Hringbrautar, tekur aðkomu Jóns fagnandi.

Fyrirtækið flutti nýverið í rúmgott húsnæði á Eiðistorgi, en til gamans má geta að Innovation House er einnig staðsett á Eiðistorgi. Gera má ráð fyrir skemmtilegri þróun stöðvarinnar, sem er nú þegar orðin ein sú vinsælasta á landinu.