*

þriðjudagur, 26. maí 2020
Innlent 18. mars 2020 15:16

Miklar sveiflur í afkomu ríkissjóðs

100 milljarða króna halli á rekstri ríkissjóðs er helmingi minni en 2008 en 400 milljarða viðsnúningur frá 2016.

Ritstjórn
Fjárlög hafa gengið misvel eftir í gegnum árin, en fjárlögin sem samin voru fyrst fyrir árið 2018 lifðu einstaklega stutt líkt og ríkisstjórnin sem samdi þau.
Haraldur Guðjónsson

Afkoma ríkissjóðs síðasta rúma áratuginn hefur sveiflast frá því að vera í tæplega 200 milljóna króna halla árið 2008, í rétt um 300 milljóna króna afgang árið 2016 að því er Hagstofa Íslands hefur tekið saman.

Eins og Viðskiptablaðið fjallaði um í gær býst Bjarni Benediktsson fjármálaráðherra og formaður Sjálfstæðisflokksins við því að ríkissjóður verði rekinn með yfir 100 milljarða króna halla í ár vegna áhrifa Covid 19 veirusýkingarinnar.

Í yfirliti Hagstofunnar eru fjárhæðirnar á afkomu hvers árs, en ástæða mikils afgangs árið 2016 skýrðist einkum af stöðugleikaframlögum slitabúa föllnu fjármálafyrirtækjanna.

Árin 2008, til 2013 var halli á rekstrinum, en árið 2014 var eilítill afgangur og svo aftur halli árið 2015. Síðan var afgangur í þrjú ár, þó ekki mikill árið 2018. Loks var halli í fyrra sem eins og áður segir stefnir í vel rúmlega 100 milljóna króna halla í ár.